Maj u Boki diše magičnom ljepotom

3
pogled na Dobrotu

Prvi majski dani prazničnog ruha u plaveti zalivskih obala i zaleđa, potvrđuju stihove da Boka u jedno oko staje , drugim se iznova rađa.

Odložite računare, mobilne telefone osim foto ikone na njima, udaljite se od TV ekrana i izađite u prirodu.

Tu je raskoš mirisa, mira, plaveti, vedrina i topline majskog sunca.

“Ko na brdu ak i malo stoji, više vidi no onaj pod brdom”, a s visine  Bokokotorski fjord i u njemu brod, baš kao “beskrajni plavi krug i u njemu zvijezda” je slika pred kojom čovjek  zastaje i dahom.

Ta plavo-zelena faša obala i zaleđa, krša i mora u kontrastu divlje ljepote uz miris pelina iznad zaliva i otmenosti drevnih palata, zidina, zvnonika u grozdu krovova, čini ovaj kraj jednim od najljepših na svijetu.

Zalivski život teče, a s njim divlja i pitoma ljepota kraja i ljudi, divlja i ambijentalna gradnja i razvoj, ali i degradacija prostora sa sve  politikama i politikanstvom u zavisnosti ko upravlja i ko odlučuje u ovom prolaznom ovozemaljskom životu.

neskrivena ljepota

S jedne strane  u posljednje vrijeme konačno nešto glasnija odbrana kulturnog pejzaža, bafer zone zaštićenog svjetskog područja od prekomjerne i neplanske gradnje, a sa druge selektivan odnos  zaštitara kulturnih dobara i pojednihih Nevladinih organizacija koje se bave svim i svačim, a najmanje onim što im je osnovna djelatnost.

Stoga je nekome dozvoljeno obrušavanja brda u more i gradnja betonskih naselja za komercijalne i turističke namjene.

Neki mogu kuću, ispred  kuće posaditi komšiji u prvoj, tzv. A zoni uz more, i na samu pjenu od mora  fasade i balkone mamutskih građevina bojiti u najneprikladnije kolure i ukrašavati ih betonskim ili plastičnim lavoviva, delfinima i ostalim životinjskim carstvom.

Balkoni i bravarija od eloksirajućih materijala, ili stakla sa ogradama od metala itd .

Ni riječi o ovakvim ožiljcima, kiču i neukusu, degradaciji i ruženju ambijenta.

Lični interesi iznad  ljubavi prema gradu i zalivu ili ljubav po potrebi.

Ništa lakše i brže nego izdati građevinsku dozvolu sa sve potrebnim papirima partijskom drugu po pravilu onome ko najviše viče, pljuje na  upravo pomenute pojave.

Ali kad se  tiče njegove kože tu se malo zaboravi na veliku, neizmjernu ljubav prema gradu i njegovoj kulturno istorijskoj baštini.

No, još je jedan praznični dan pa da ga ne kvarim ovom  pričom.

Za nju će biti vremena.

Ovakvom danu u kome Boka plavo ćuti, ljepše pristaje impresija i slike koje smo dobili jutros od naših slušalaca.

Njih  će zasigurno priroda i gušt boravka u njoj oplemeniti i umiti im dušu.

Ako ste bilo gdje u prirodi ovih dana, neka vam ne bude zapovijeđeno, pokupite otpad iza sebe da poslije fešte ne ostanu limenke, plastična i ostala ambalaža.

Trebaće nam oaze mira i ljepote ponovo, a i neko će drugi poslije nas ovim stazama do rajskih pogleda, užitaka i impresije.

Dubravka Jovanović

3 KOMENTARI

  1. Baš tako. Svako za sebe i kako njemu odgovara a onda se sukobljavaju političari opet zbog interesa. Plaća Boka i njen ambijent.

OSTAVI KOMENTAR

Please enter your comment!
Please enter your name here

PRAVILA KOMENTARISANJA

Komentari se objavljuju na portalu Skala radija. Odgovorni za sadržaj su isključivo autori napisanih komentara.

U komentarima je zabranjeno koristiti uvredljive riječi, psovke i klevete. Neće se objavit komentar koji sadrži ove elemente kao ni tekst komentara koji sadrži govor mržnje. Ukoliko se dogodi propust pa tekst bude objavljen, moderator je dužan da ga odmah ukloni čim ga primijeti ili mu neko skrene pažnju na sadržaj. Neprimjeren sadržaj će biti uklonjen a autor može biti prijavljen nadležnim organima.

Za eventualne primjedbe i sugestije mejl je [email protected].